काठमाडौं ।देशभर थप ३ हजार ६५१ जनामा कोरोना सङ्क्रमण पुष्टि भएको छ । पछिल्लो २४ घण्टाको अवधिमा देशभर १० हजार ४४५ जनाको आरटी–पीसीआर विधिबाट परीक्षण गर्दा २ हजार ६०९ जना र ६ हजार १४९ जनाको एन्टिजेन विधिबाट परीक्षण गर्दा १ हजार ४२ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोना भाइरस संक्रमितको कुल संख्या ७ लाख ८७ हजार ६ पुगेको छ ।

यस्तै पछिल्लो २४ घण्टामा देशभर १ हजार ७८४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ७१ हजार ८३ पुगेको छ ।

यसैगरी पछिल्लो २४ घण्टामा थप २२ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या १० हजार ११५ पुगेको छ ।