काठमाडौँ। जापानबाट कोरोना भाइरसबिरुद्धको एष्ट्राजेनेका खोप आज नेपाल आइपुगगेको छ। । कोभ्याक्स सुविधामार्फत जापानले दिन लागेको एष्ट्राजेनेकाको १६ लाख खोपमध्ये शनिबार बिहान पाँच लाख १३ हजार ७२० डोज खोप काठमाडौं आइपुगेको हो ।

त्यस्तैगरी आइतबार थप दुई लाख ८७ हजार डोज खोप आइपुग्ने स्वास्थ्य सेवा विभागले जानकारी दिएको छ ।

बाँकी ८ लाख डोज खोप भने अर्को साता मात्रै आइपुग्ने मन्त्रालयको भनाइ छ । यो खोप कोभिसिल्डको पहिलो डोज लगाएका १३ लाख ज्येष्ठ नागरिकलाई दिइने मन्त्रालयले जनाएको छ ।

उनीहरुले चैतमै पहिलो डोज लगाएपनि दोस्रो डोज लगाउन पाएका छैनन । हिजो मात्रै भूटानले पनि नेपाललाई ३ लाख डोज एष्ट्राजेनेका खोप उपलब्ध गराएको थियो।