काठमाडौँ। देशभर थप २,४४५ जनामा कोरोना सङ्क्रमण पुष्टि भएको छ। पछिल्लो २४ घण्टामा देशभर ७,८३३ जनामा पीसीआर परीक्षण गर्दा १,६४२ जना र ३,८३१ जनामा एन्टिजेन परीक्षण गर्दा ८०३ जना गरी २,४४५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

यसैगरी पछिल्लो २४ घण्टामा १२५८ जना कोरोना संक्रमणमुक्त भएको मन्त्रालयले जनाएको छ । मन्त्रालयका अनुसार संक्रमित निको हुने दर ९४.७ प्रतिशत रहेको छ ।

यस्तै पछिल्लो २४ घण्टामा कोरोना संक्रमणबाट ३२ जनाको मृत्यु भएको छ ।