काठमाडौं । देशभर थप १ हजार ८७५ जनामा कोरोना संक्रमण पुष्टि भएको छ । पछिल्लो २४ घण्टामा देशभर ६ हजार ८५८ जनाको आरटी पीसीआर विधिबाट परीक्षण गर्दा १ हजार ३१० जना र ३ हजार २०८ जनाको एन्टिजेन विधिबाट परीक्षण गर्दा ५ सय ६५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस संक्रमितको कुल संख्या ७ लाख १४ हजार २४८ पुगेको छ ।

यस्तै पछिल्लो २४ घण्टामा देशभर २ हजार १६४ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ३० हजार ४०७ पुगेको छ ।

यसैगरी पछिल्लो २४ घण्टामा थप २१ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ९ हजार ५२७ पुगेको छ ।