☰
काठमाडौं । सरकार गठन भएपछि आज पहिलोपटक सत्तारुढ गठबन्धनको बैठक बसेको छ । बैठकमा सरकारको काम र आगामी ३ गतेका लागि बोलाइएको संसद बैठकको विषयमा छलफल भएको छ ।
सिंहदरबारस्थित प्रधानमन्त्री तथा मन्त्रिपरिषदको कार्यालयमा बसेको बैठकमा समसामयिक विषयमा कुराकानी भए पनि ठोस कुनै निर्णय नभएको कांग्रेस महामन्त्री पूर्णबहादुर खड्काले जानकारी दिए ।
उनले भने,‘संसद बैठक आह्वान भइसकेको अवस्थामा कसरी अघि बढ्ने भन्ने विषयमा सैद्धान्तिक छलफल भयो ।’
जसपा अध्यक्ष उपेन्द्र यादवले समेत समसामयिक राजनीतिक विषयमा छलफल भएको बताए । उनले भने,‘अब कसरी जाने, कसरी गठबन्धनलाई बलियो बनाउने भन्ने लगायतका विषयमा सामान्य छलफल भयो । कुनै निर्णय भएको छैन ।’
बैठकमा एमाले वरिष्ठ नेता माधवकुमार नेपाल सहभागी भएका थिएनन् ।
बैठकमा कांग्रेस सभापति तथा प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल, जसपा अध्यक्ष उपेन्द्र यादव, कांग्रेस महामन्त्री पूर्णबहादुर खड्का, राष्ट्रिय जनमोर्चाका अध्यक्ष चित्रबहादुर केसी सहभागी भएका थिए ।
