काठमाडौँ। देशभर थप २ हजार ६ सय ७६ जनामा कोरोना सङ्क्रमण पुष्टि भएको छ ।

पछिल्लो २४ घण्टाको अवधिमा देशभर ८ हजार २५६ जनाको आरटी पीसीआर विधिबाट परीक्षण गर्दा १ हजार ७८२ जना र ४ हजार ५१२ जनाको एन्टिजेन विधिबाट परीक्षण गर्दा ८ सय ९४ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना भाइरस संक्रमितको कुल संख्या ७ लाख ९ हजार ४३७ पुगेको छ ।

यस्तै पछिल्लो २४ घण्टामा देशभर १ हजार ७५७ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख २६ हजार ४६८ पुगेको छ ।

यसैगरी पछिल्लो २४ घण्टामा थप ३३ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ९ हजार ४६३ पुगेको छ ।