काठमाडौँ। विश्व बैंकले नेपाललाई १० करोड अमेरिकी डलर अर्थात् करिव १२ अर्ब रुपैयाँ ऋण दिने भएको छ ।

विश्व बैंकको कार्यकारी निर्देशक बोर्डको शुक्रबार बसेको बैठकले नेपालको शिक्षा एवं स्वास्थ्य क्षेत्र सुधारका लागि सो ऋण दिने प्रस्ताव अनुमोदन गरेको हो । बैंकले शिक्षा र स्वास्थ्य क्षेत्रको सुधारका लागि ५/५ करोड डलर सहयोग गर्ने जनाएको छ ।

बैंकले सरकारी विद्यालय विकास कार्यक्रम तथा स्वास्थ्य क्षेत्रमा सार्वजनिक स्रोत व्यवस्थापन प्रणाली सुधारका लागि सहयोग गर्दै आएको छ ।

नेपाल, मालदिभ्स र श्रीलंकाका लागि कन्ट्री डाइरेक्टर फारिस हदाद जारभोसले स्वास्थ्य क्षेत्रमा आएको सहायताले स्वास्थ्य क्षेत्र रणनीतिको कार्यान्वयनमा सहयोग पुग्ने बताए ।