काठमाडौँ । देशभर थप २ हजार ६२२ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७ हजार ४९९ जनाको आरटी पीसीआर विधिबाट परीक्षण गर्दा १ हजार ७४५ जना र ४ हजार २८ जनाको एन्टिजेन विधिबाट परीक्षण गर्दा ८ सय ७७ जनामा कोरोना संक्रमण पुष्टि भएको हो । योसँगै नेपालमा कोरोना भाइरस संक्रमितको कुल संख्या ६ लाख ८५ हजार ३६१ पुगेको छ ।

यस्तै पछिल्लो २४ घण्टामा देशभर २ हजार २११ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ६ लाख ११ हजार ४२९ पुगेको छ ।

यसैगरी पछिल्लो २४ घण्टामा थप २३ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ९ हजार २४८ पुगेको छ ।