☰
कास्की । गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोखरेलको आजै सपथ ग्रहण हुने भएको छ । विपक्षी गठबन्धनका तथा नेपाली काँग्रेस संसदीय दलका नेता कृष्णचन्द्र नेपाली पोखरेल नियुक्त भएका हुन् ।
शनिबार प्रदेश प्रमुख सीताकुमारी पौडेलले संविधानको धारा १६८ (५) अनुसार पोखरेललाई मुख्यमन्त्री नियुक्त गरेकी हुन् ।
मुख्यमन्त्री पोखरेललाई प्रदेश प्रमुख सीता कुमारी पौडेलले आजै सपथ ग्रहण गराउने भएकी छन् । निवर्तमान मुख्यमन्त्री पृथ्वीसुब्बा गुरुङले संसदबाट विश्वासको मत नपाएपछि प्रदेश प्रमुख पौडेलले वैकल्पिक सरकार गठनका लागि शुक्रबार दाबी पेश गर्न २४ घन्टाको समय दिएका थिइन् ।
शनिबार दिउँसो ३ बजेसम्मको समय राखेर दाबी पेस गर्न आग्रह गरिएको थियो । यसबीचमा निवर्तमान मुख्यमन्त्री गुरुङले पनि मुख्यमन्त्रीमा दाबी गरेका थिए ।
तर, शुक्रबार ५ बजे नै विपक्षी गठबन्धनका ३१ सांसदले नयाँ सरकार गठनका लागि बहुमत पुर्याएर प्रदेश प्रमुखलाई दाबी पत्र बुझाइसकेका थिए ।
