काठमाडौं । सुदूरपश्चिम प्रदेशमा माओवादी तर्फका मुख्यमन्त्री त्रिलोचन भट्टले विश्वासको मत लिन सफल भएकोमा एमाले नेता भीम रावलले बधाई दिएका छन् ।

साथै रावलले सुदुरपश्चिम सरकारबाट विधि पद्दति नमान्नेहरुलाई शिक्षा लिन सुझाव समेत दिएका छन् ।

‘सुदूरपश्चिम प्रदेश सभामा विश्वासको मत लिनुपर्ने कुरा जेठ २१ गते उठेपछि जेठ २५ गते नै विश्वासको मत लिने प्रस्ताव गरी सभाको विश्वास प्राप्त गर्नुभएकामा मुख्यमन्त्री त्रिलोचन भट्टजीलाई हार्दिक बधाई । विधि, विधान र पद्धति मिच्नेहरूले उहाँबाट राजनीतिक नैतिकताको केही शिक्षा लिने कि ?’ रावलले सामाजिक सञ्जाल ट्वीटरमा ट्वीट गर्दै भनेका छन् ।

मुख्यमन्त्री भट्टले आजै विश्वासको मत पाएका हुन् ।