☰
काठमाडौँ /
नेकपा (क्रान्तिकारी माओवादी) निकट अखिल (क्रान्तिकारी)ले झापाको बी एण्ड सी मेडिकल कलेजलाई नेपाल सरकारको ठाडो आदेशमा राष्ट्रिय चिकित्सा शिक्षा आयोगबाट सम्बन्धन दिने षडयन्त्र भएको भन्दै सो कार्यको विरोध जनाएको छ।
क्रान्तिकारीका केन्द्रिय अध्यक्ष हरीकृष्ण गजुरेलले आइतबार एक प्रेस विज्ञप्ति जारी गर्दै यस्ता सम्बन्धन दिंदा प्रकृया एवं नियमसंगत ढंगले दिने व्यवस्था गरियोस भन्दै आफ्नो संगठनको तर्फबाट सरकारलाई चेतावनी दिएका हुन्।
क्रान्तिकारीले जारी गरेको विज्ञप्तिमा त्रिभुवन विश्वविद्यालयले स्नातक तह प्रथम वर्षको परिक्षा फारम जेठ मशान्तभित्र भरिसक्ने सूचना जारी गरेकोप्रति पनि विरोध जनाएर यस्तो कोरोना भाइरस महामारीको बेला विश्वविद्यालयको सो निर्णय समेत समय सापेक्ष र व्यवहारिक नभएको बताएको छ।
+२ पास गरेका, विश्वविद्यालयमा भर्ना भएका विद्यार्थीहरुलाई विश्वविद्यालयले रजिस्ट्रेशन नम्बर समेत उपलब्ध गराउन नसकेको अवस्थामा परिक्षा फारम भर्ना सम्भव नहुने क्रान्तिकारीले जनाएको छ।
त्यस्तै क्रान्तिकारीले त्रिभुवन विश्वविद्यालय मातहतका क्याम्पसहरुमा अनलाइन कक्षा संचालन भएको भएपनि प्रभावकारी नभएको भन्दै यस्तो अवस्थामा विद्यार्थीबाट लिइएको शुल्क फिर्ता गर्न अनुरोध गर्दै भौतिक रुपमा कक्षा संचालन नहुदासम्म यसरी शुल्क नलिन भनेको छ।
क्रान्तिकारीले विश्वविद्यालयमा षडयन्त्रपूर्ण ढंगले आन्तरिक रुपमा भइरहेका र हुने नियुक्ती बदर गरि स्वस्थ प्रतिस्पर्धाको आधारमा नियुक्ती गर्नुपर्ने पनि बताएको छ।
हरौं क्रान्तिकारीको प्रेस विज्ञप्ति ⇓
