☰
काठमाडौं । नेपालमा कोरोना संक्रमित हुनेको संख्या घटेको छ । पछिल्लो २४ घण्टामा थप ७ हजार ३६८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले देशभरका विभिन्न प्रयोगशालामा गरिएको १९ हजार ५३९ जनाको पीसीआर परीक्षण र ३४४ जनाको एन्टिजेन विधिबाट गरिएको परीक्षणमा ७ हजार ३६८ जनामा कोरोना पुष्टि भएको जानकारी दिएका हुन् ।
यस्तै कोरोना संक्रमण हुनेको संख्या पनि लगातार बढिरहेको छ । पछिल्लो २४ घण्टामा ६ हजार ६४८ जना संक्रमण मुक्त भएका छन् । यसअघि संक्रमण मुक्त हुनेको संख्या ५ हजार ४५५ थियो ।
नेपालमा थप १४५ जना संक्रमितको मृत्यु भएको छ । योसँगै हालसम्म कोरोनाले ज्यान गुमाउनेको संख्या ५ हजार १ पुगेको मन्त्रालयले जानकारी दिएको छ ।
