काठमाडौं । अखिल नेपाल किसान यूनियनले नेपाली जनतालाई चर्किदो रोग र भोकबाट बचाउन ठोस कदम चाल्न सरकारसंग जोडदार माग गरेको छ । 

यूनियनले आज एक विज्ञप्ति जारी गर्दै कोरोना भाइरसको संक्रमण बढिरहेको र मृत्यु दर पनि निरन्तर बृद्धि भइरहेको अवस्थामा सरकारले सम्पूर्ण ध्यान यो महामारीका बिरुद्ध केन्द्रित गर्न आग्रह गरेको छ । 

अखिल नेपाल किसान यूनियनको  विज्ञप्ति :

नेपाली जनतालाई चर्किदो रोग र भोकबाट बचाउन ठोस कदम चाल्न अखिल नेपाल किसान यूनियनको जोडदार माग

१.देशमा बेगबान तरीकाले भारतको भन्दा तीब्र गतिमा कोरोना भाइरसको संक्रमण बढिरहेको र मृत्यु दर पनि निरन्तर बृद्धि भइरहेको तथा यसले जनतमा अपूर्ब त्रास र चिन्ता पैदा गरेको छ । यस स्थितिमा सरकारले सम्पूर्ण ध्यान यो महामारीका बिरुद्ध केन्द्रित गरोस्, आवश्यक अक्सिजन नियमित आपूर्तिको ब्यवस्था गरोस्, उपचार केन्द्रहरु थप गरोस् र निशुल्क खोप अभियान तदाररुखताका साथ जारी राखोस तथा यसका लागि मित्र राष्ट्र चीन लगायतका सयोगी देशहबरुबाट अनुदान सहयोगकासाथै खरिद गरेर समेत खोप आपूर्ति गर्न र आवश्यक परे नीजी क्षेत्रसँग समेत रकम सहयोगको आह्वान गरेर जन स्वास्थ्यमा सम्पूण हिसावले राज्य संयन्त्र अघि बढोस् भन्ने अखिल नेपाल किसान यूनियन जोडदार माग गर्दछ ।

२. निषेधाज्ञाका कारण आर्थिक गतिबिधिहरु ठप्प हुँनजाँदा बहुसंख्यक आम श्रमजीबी जनता रोजगार बिहीन भएर बिहान बेलुकाको छाक टार्न समेत नसक्ने अबस्थामा पुगेको र थप पुग्नजाँने हुँदा कम्तिमा आजदेखि आगामी ६ महिनासम्मको लागि आवश्यक खाद्यान्न र अन्य खाद्य सामाग्रीको जगेडा सरकारले मौज्दात राखेर आम मजदुर, किसान लगायत सम्पूर्ण श्रमजीबीहरुलाई भोकमरीबाट बचाउने अल्पकालीन बिशेष प्रबन्ध गरोस् भन्ने समेत अखिल नेपाल किसान यूनियन जोडदार माग गर्दछ ।

३.कोरोना संक्रमण र निषेधाज्ञाका संबेदनशील बेलामा पनि आबश्यक औषधी उपाचारका अत्याबश्यक सामाग्रीमा समेत कमिशन खान खोज्ने र भ्रष्टाचार गर्ने, नीजी अस्पतालहरुमा चर्को मूल्य लिएर बिमारीहरुलाई थप दुःख दिने  जोसुकैलाई बिना मोलाहिजा तत्काल कडा कारबाही ग।रयोस् भन्ने समेत जोडदार माग पनि अनेकियूनियन गर्दछ ।

४.कोरोना महामारी सबैको साझा समस्या भएकोले यसमा कुनै आग्रह पूर्बाग्रह नराखी यसका बिरुद्ध लड्न सबै पक्षलाई सम्मिलित गराउन ठोस पहल गरियोस भन्ने समेत अनेकियूनियन आग्रह गर्दछ 

५.सीमाक्षेत्र र बाह्य मुलुकबाट नेपाल आउने कुनै पनि यात्रीहरुलाई स्वास्थ्य निर्देशन पालना गर्ने गराउने कुरा कडाईकासाथ पालन गर्न गराउन र यात्राबाट रोग फैलिने कुरामा पूर्ण निगरानी राख्न पनि किसान यूनियन जोडदार माग गर्दछ ।

लोकनारायण सुवेदी

अध्यक्ष

अखिल नेपाल किसान यूनियन

२०७९ बैशाख २८