काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रमुख प्रतिपक्ष दल कांग्रेसका सभापति शेरबहादुर देउवालाई भेट्न बूढानीलकण्ठ पुगेका छन् । 

शक्रबार अपराह्न देउवा निवास बूढानीलकण्ठमा उनीहरुबीच भेटवार्ता भएको हो । भेटमा प्रधानमन्त्रीले विश्वासको मत लिने, राष्ट्रियसभा सदस्य पदको उपनिर्वाचन र नयाँ सरकार गठनका विषयमा कुराकानी भएको जनाइएको छ । यसअघि प्रधानमन्त्री केपी शर्मा ओलीले देउवालाई भेट गरेका थिए भने माधव कुमार नेपालले हिजैमात्र देउवासंग भेट गरेका थिए ।