काठमाडौँ /

‘हल्का हल्का लजाएर’ बोलको गीतको म्युजिक भिडियो सार्वजनिक भएको छ। चन्द्र प्रसाईं ‘परिष्कृत’ को शब्द सिर्जना रहेको सो गीत चर्चित गायिका अन्जु पन्त र युवा गायक निशान भट्टराईको जादुमय स्वरमा सजिएको छ।

सन्तोष श्रेष्ठले संगीत सिर्जना गरेको उक्त गीतमा गोपाल रसाइलीको संगीत संयोजन रहेको छ। श्यामश्वेत रसाइलीले मिक्सिङ्ग गरेको गीत प्रिज्म डिजिटल स्टुडियोमा रेकर्ड भएको बताइएको छ भने गीतको अडियो भिडियो ईनाक्षी इण्टरटेन्मेण्टले प्रस्तुत गरेको हो ।

महानायक राजेश हमाल,नायक पल शाह,नायिका करिश्मा मानन्धर र नायिका पूजा शर्माले अभिनय तथा नृत्य गरेको सो गीतको भिडियोलाई निर्देशन र कोरियोग्राफ देबेन्द्र पाण्डेले गरेका छन्।

भिडियोका दृश्यहरु उत्सव दाहालले क्यामरामा कैद गरेका छन् भने भिडियोको सम्पादन विकास दाहालले सम्पन्न गरेका छन्। गीतको भिडियो निर्माता तेजी प्रसाईं रहेका छन् ।

हेरौँ भिडियो