काठमाडौं । गायिका सिमी ठकुरीको गीत ‘बास्ना मिठो’को म्यूजिक भिडियो हालै सार्वजनिक भएको छ । काँठे लोकभाकामा सजिएको यो गीतका शब्दलाई नयन सोडारी ‘चिन्तित’ले सिर्जना गरेका हुन् भने विष्णु तामाङले यसको संगीत सिर्जना साथै संगीत एरेन्ज समेत गरेका छन् ।

सरोज लामिछाने र सिमी ठकुरीको स्वरमा सजिएको सो गीतको भिडियोलाई निसान बानियाँले निर्देशन गरेका छन् भने अमर सुनारले नृत्य निर्देशन गरेका छन् । भिडियोका दृश्यलाई प्रकाश खड्काले क्यामरामा कैद गरेका छन् । भिडियो सम्पादन साथै रंङ संयोजन शिव पौडेलले गरेका छन् ।

‘बास्ना मिठो त्यो धुपी सल्लाको,
आउँछ झल्को दाहिने हात हल्लाको’

भन्दै गाइएको उक्त गीतमा लिप्सिङ गर्दै लोमस शर्मा र सिमी ठकुरी लगायतले नृत्य तथा अभिनय गरेका छन् । पानस डिजिटलले अडियो, भिडियो निर्माण गरेको सो गीतको भिडियोको प्रोडक्शन म्यानेजर सूर्य वली रहेका छन् । ‘बासना मिठो’ गीतको बासना साँच्चै मिठो छ त ? यो भने युटुबमा गीतको भिडियो हेर्नैपर्छ ।

हेरौं भिडियो ⇓