एजेन्सी, भारतमा मंगलबार एकैदिन करिब ३ लाख मानिसमा कोरोना संक्रमण पुष्टि भएको छ । भारतीय स्वास्थ्य तथा परिवार कल्याण मन्त्रालयका अनुसार पछिल्लो चौबीस घण्टामा दुई लाख ९५ हजार ४१ जना सङ्क्रमित थपिएका हुन् ।योसँगै भारतमा कोरोना संक्रमितको कुल संख्या १ करोड ५६ लाख १६ हजार १०३ पुगेको छ ।

त्यस्तै भारतमा सक्रिय संक्रमितको संख्या २१ लाख ५७ हजार ५३८ पुगेको छ ।

भारतमा संक्रमितको संख्या थपिएसँगै दैनिक मृत्यु हुनेको संख्यामा पनि नयाँ रेकर्ड बनेको छ। पछिल्लो चौबीस घण्टामा भारतमा दुई हजार २३ जना सङ्क्रमितको मृत्यु भएको छ ।

भारतको महाराष्ट्र, केन्द्र प्रशासित दिल्ली तथा उत्तर प्रदेश, मध्य प्रदेश लगायतका राज्य कोभिड १९ ले नराम्ररी प्रभाबित भएको छ ।