काठमाडौं । एञ्जल्स नेश्नल जुनिएर क्रिकेट लिग (यु-१३) को आयोजनामा काठमाडौंको मनमैजुमा अवस्थित एञ्जल्स स्पोर्टस् एकेडेमीको मैदानमा क्रिकेट खेल सुरु भएको छ । खेल वैसाख १० गतेसम्म चल्नेछ । खेलको आज एक समारोहकाबीच तारकेश्वर नगरपालिकाका उप्रमुख भवानी डोटेलले उद्घाटन गरिन् ।

उद्घाटन समारोहमा एञ्जल्स एकेडेमी स्पोर्टस् एकेडेमीका अध्यक्ष खिमबहादुर थापा, प्रा.डा. लोकेन्द्र शेरचन, एञ्जल्स हर्ट स्कूलका अध्यक्ष लिलबहादुर पुन, सोही विद्यालयका प्रिन्सीपल धनबहादुर पुनको उपस्थिति रहेको थियो ।

क्रिकेट लिगमा ८ समूह सहभागी छन् । एञ्जल्स स्पोर्टस् एकेडेमीका अध्यक्ष खिमबहादुर थापाले सरकार तथा खेलहरुको आयोजना गर्ने अन्य संघ संस्थाहरुको तर्फबाट १३ वर्ष मुनीका बालकालिकाहरुका लागि खेलको आयोजना कम मात्रै गरिने भएकोले आफूहरुले १३ वर्ष मुनीका बालबालिकाहरुका लागि खेलको आयोजना गर्न लागेको जानकारी दिए ।

ग्रामिण इलाकामा रहेका बालबालिकाहरुलाई प्राथमिकतामा राखेर क्रिकेट खेलको आयोजना गरिएको पनि थापाले बताए । खेलको प्रायोजन इभल फन चक्लेटले गरेको छ ।