एजेन्सी , भारतले चीनको नौसेनाको जहाज एक दशकदेखि हिन्द महासागरमा प्रवेश गर्दै आइरहेको आरोप लगाएको छ ।

भारतीय नौसेनाका प्रमुख एडमिरल करमबीर सिंहले गत एक दशकदेखि हिन्द महासागरमा चिनियाँ नौसेनाको जहाज नियमित प्रवेश गर्दै आइरहेको आरोप लगाएका हुन् ।

‘जहाँसम्म हिन्द महासागरमा चीनको नौसेनाको कुरा छ, हामीले उनीहरूको निरन्तर उपस्थिति एक दशक भन्दा बढी देखीरहेका छौं।’ उनले भने

‘चीनले उर्जा, बजार र श्रोतका लागि पश्चिमतिर हेर्छ । यस्तो अवस्थामा यदि ती छिट्टै हिन्द महासागर क्षेत्रमा देखा पर्‍यो भने आश्चर्यचकित हुनुपर्दैन किनभने जहाँ व्यापार छ त्यहाँ नौसेना पनि छ।’ सिंहले थपे ।

चीनले तेस्रो युद्धपोत विकास गरिरहेको सिंहको आरोप छ । ‘चिनियाँ नौसेनाको विकासको गतिबाट भारत आश्चर्यचकित छैन किनकि उनीहरूसँग मनसाय र साधन छ।’ सिंहले भने ।

चीनको नौसैनिक क्षमता सम्बन्धी सिंहले भने, ‘चीनको मनसाय स्पष्ट छ। ऊ अमेरिकाको जस्तो क्षमता हासिल गर्न चाहन्छ।’

यु एस नेवीको पहिलो विश्वयुद्धदेखि नै युद्धक जहाजहरू छन्। गत साठ बर्षदेखि भारतले पनि युद्धपोतहरू सञ्चालन गरिरहेको छ। सोही समयमा सिंहले भन्छन्, ‘यस दिशामा धेरै छिटो अघि बढिरहेको छ।’