काठमाडौं । देशभर थप ५ सय १७ जनामा कोरोना सङ्क्रमण पुष्टि भएको छ । विभिन्न प्रयोगशालामा पछिल्लो २४ घण्टामा ५ हजार २०३ जनाको कोरोना परीक्षण गरिएकोमा थप ५१७ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै नेपालमा संक्रमितको कुल संख्या २ लाख ८० हजार ९८४ पुगेको छ ।

यस्तै पछिल्लो २४ घण्टामा देशभर १ सय ५३ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ७४ हजार ३१८ पुगेको छ ।

यसैगरी पछिल्लो २४ घण्टामा थप  ५ संक्रमितको मृत्यु भएको छ । हालसम्म नेपालमा कोरोना संक्रमणबाट मृत्यु हुनेको संख्या ३ हजार ५८ पुगेको छ ।