काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले ओली सरकार अब धेरै नटिक्ने बताउदै अब चाँडै नयाँ सरकार गठन हुने दाबी गरेका छन् । उनले चाँडै ओली सरकार हट्ने बताउँदै केही दिनमै नयाँ सरकार गठन हुने बताए ।

नेपाल राष्ट्रिय कर्मचारी संगठन निजामति चौथो केन्द्रीय परिषद्को कार्यक्रमलाई सम्बोधन गर्दै अध्यक्ष प्रचण्डले नयाँ सरकारले प्रधानमन्त्री केपी शर्मा ओलीले देशमा लगाउन खोजेको कालो बादल हटाउने बताए ।

उनले भने, ‘अब चाँडै नयाँ सरकार गठन हुन्छ । सरकारको नेतृत्वमा को जान्छ भन्ने महत्वपूर्ण होइन। प्रधानमन्त्री को भन्दा पनि सरकार संविधान अनुसार चल्ने हुनुपर्छ भन्ने हाम्रो कुरा हो। अब यो सरकार धेरै दिन टिक्दैन।’