काठमाडौँ । स्वास्थ्य तथा जनसंख्या मन्त्रालयले कोरोना संक्रमण बढेपछि स्कुल, क्याम्पसलगायत भिडभाड हुने क्षेत्र बन्द गर्न सिफारिस गरेको छ । नेपालमा कोरोना भाइरसको दोस्रो लहर शुरु भएकोले सर्तकता अपनाउन सिफारिस गरेको स्वास्थ्य मन्त्रालयका प्रवक्ता डा. जागेश्वर गौतमले बताए ।

उनले भौतिक दूरी कायम गर्न, मास्क लगाउन, हात धुनसमेत आग्रह गरे ।

अनलाइन कक्षा सञ्चालन गर्न मन्त्रालयले आग्रहसमेत गरेको छ ।

हिजो मात्रै नेपालमा ३३२ कोभिड–१९ को सङ्क्रमण पुष्टि भएको छ । नेपालमा कोरोना भाइरस सङ्क्रमितको सङ्ख्या दुई लाख ७९ हजार १०० पुगेको छ ।

कोरोना संक्रमितमध्ये पछिल्लो समय १६ प्रतिशत बालबालिका रहेको तथ्यांक छ ।