काठमाडौं । स्वास्थ्य संस्था वा स्वास्थ्यकर्मीले बिरामीलाई दुर्व्यवहार गरे वा आवश्यक सहयोग नगरे स्वास्थ्य तथा जनसंख्या मन्त्रालयले दुवैलाई कारबाही गर्ने भएको छ ।

मन्त्रालयले बिहीवार एक सूचना जारी गर्दै सो कारबाही गर्ने जनाएको हो । सेवा प्रदायकबाट कुनै त्रुटि भए स्वास्थ्य मन्त्रालयको हटलाइन नम्बर ११३३ मा फोन गरी बिहान ८ बजेदेखि बेलुकी ८ बजेसम्म सम्पर्क गर्न अनुरोध गरेको छ।

सूचनामा भनिएको छ– प्राप्त गुनासाहरू प्रति मन्त्रालयले गम्भीर रुपमा लिएर समन्वय गरी गुणस्तरीय सेवा प्रदान गर्छ । सम्बन्धित निकायहरूसँगको समन्वयमा छानबिन गरी सेवा प्रदायक व्यक्ति वा संस्था दोषी पाइएमा प्रचलित नियमानुसार आवश्यक कारबाही गरिन्छ ।’