दोहा । कुवेतका लागि नेपाली राजदूत दुर्गाप्रसाद भण्डारी र कुवेत सरकार परराष्ट्र मन्त्रालयका एसिया मामिलाका लागि सहायक विदेश मन्त्री अली सुलेमान अल सईदबीच शिष्टाचार भेटवार्ता भएको छ ।

कुवेत सरकारको परराष्ट्र मन्त्रालयमा भएको भेटवार्तामा नेपाली श्रमिकहरूको रोजगारीको सुरक्षा, रोजगारीका थप सम्भावना तथा क्षेत्र विस्तारका विषयमा छलफल भएको नेपाली दूतावासले जनाएको छ ।

त्यसैगरी उनीहरुबीच कोरोना भाइरस (कोभिड-१९) को महामारीका कारण उत्पन्न असहज परिस्थिति र यसको रोकथाम र नियन्त्रणका लागि भइरहेका प्रयासहरूको बारेमा पनि कुराकानी भएको जनाइएको छ ।