काठमाडौं । यस वर्षको एसइई परीक्षामा २ हजार ३० परीक्षा केन्द्रबाट परीक्षा सञ्चालन गर्ने तयारी भइरहेको छ ।

अघिल्लो वर्षको एसइई परीक्षाको लागि १९ सय ५५ वटा परीक्षा केन्द्र तोकिएको थियो । केही जिल्लाले अघिल्लो वर्षको भन्दा एक/दुई वटा थप पठाएकाले २ हजार ३० वटासम्म परीक्षा केन्द्र हुन सक्ने अनुमान गरिएको परीक्षा नियन्त्रक रुद्रप्रसाद अधिकारीले बताए ।

परीक्षामा साढे ५ लाख विद्यार्थी सहभागी हुने भएका छन् । रजिष्ट्रेशन फारम भरेको आधारलाई लिने हो भने यस वर्षको एसइई परीक्षामा सहभागी हुने विद्यार्थीको संख्या ५ लाख २० हजार रहेको उनले भने, ‘कुनै कुनै जिल्लाका स्कुलहरुले पठाएको तथ्याङ्कमा कोड नम्बरहरु राम्रोसँग नबुझिएकाले सामान्य तलमाथि हुन सक्छ ।’