एजेन्सी, बलिउडका चर्चित अभिनेता अक्षय कुमारलाई कोरोना संक्रमण पुष्टि भएको छ ।

अभिनेता अक्षयले आफूमा कोरोना संक्रमण पुष्टि भएको सामाजिक सञ्जाल ट्वीटरमार्फत जानकारी दिएका हुन् ।
उनले आफू चिकित्सकीय सहायतामा होम क्वारेन्टाइनमा रहेको बताएका छन् ।

यस्तै उनले आफ्नो सम्पर्कमा आएकाहरुलाई पनि कोरोना जाँच गराउन र आवश्यक सावधानी अपनाउन आग्रह गरेका छन् ।

उनलाई आइतवार बिहान कोरोना संक्रमण पुष्टि भएको हो ।