काठमाडौं । एमालेका नेताद्वय सुरेन्द्र पाण्डे र घनश्याम भुसालले आज पार्टीमा स्पष्टीकरण बुझाउने भएका छन् । पाण्डे निकट स्रोतका अनुसार ओलीले सोमबार दोस्रोपटक सोधेको स्पष्टीकरणका बारेमा कुनै जानकारी छैन ।
अध्यक्ष ओलीले यसअघि सोधेको स्पष्टीकरणकै जवाफ दिन लागिएको हो ।

ओली चार नेताहरु माधवकुमार नेपाल, भीम रावल, सुरेन्द्र पाण्डे र घनश्याम भुसाललाई स्पष्टीकरण सोधेका थिए । नेपाल र रावललाई स्पष्टीकरणपछि ६ महिना निलम्बन गरिसकेका छन् भने दुई नेताले आज स्पष्टीकरण बुझाउन लागेको स्रोतले जानकारी दियो ।