काठमाडौँ। शिक्षा , विज्ञान तथा प्रविधि मन्त्रालयले भोलि (मंगलबार) देखि देशभरका शिक्षण संस्था चार दिनका लागि बन्द गर्ने निर्णय गरेको छ ।

देशभर अत्यधिक प्रदूषण बढेपछि मन्त्रालयले स्वास्थ्य सुरक्षामा मध्यनजर गर्दै चार दिनका लागि विद्यालय बन्द गर्ने निर्णय गरेको हो ।

नेपाल तथा भारतका केही स्थानमा लागेको डढेलोको कारण  प्रदूषणका कण वायुमण्डलमा जम्मा भई विगत केही दिनदेखि काठमाडौं उपत्यका लगायत देशका विभिन्न भागमा तुवाँलो लागेको छ । तुवाँलो हट्नका लागि वायुको वेग बढ्नुका साथै वर्षा हुनुपर्ने भएकाले अझै केही दिन यो कायम रहने मौसमविद्को अनुमान छ ।

चिकित्सकहरुका अनुसार हाल देखिएको प्रदूषण मानव स्वास्थ्यका लागि घातक रहेको छ । घातक मौसमले आँखा, नाक पोल्ने, घाँटी दुख्ने समस्या देखिएको चिकित्सकले बताएका छन् ।