जापान । पश्चिमबाट उत्तरी जापानको ठूलो क्षेत्रमा व्यापक मात्रामा पहेंलो बालुवाले ढाक्ने देखिएको छ । पहेंलो बालुवा सहितको हावाको बेगले आकाशमा दृश्यहरु टाढासम्म देखिन असक्षम हुने बताईएको छ ।

जापान मौसम विज्ञान एजेन्सीका अनुसार उत्तरी चीनमा पहेंलो बालुवा देखिएको छ र २९ तारिख देखी ३० तारिखसम्म आकाशको भागमा भिजिबिलिटि १० किलोमिटरसम्म मात्र देखिनसक्ने अवस्था आउनेछ । कतिपय स्थान र अवस्थामा ५ किलोमिटर भन्दा कम देखिने अवस्था आउने मौसम अधिकारीहरुले बताएका छन् ।

पहेंलो बालुवा बिस्तारै पूर्वपट्टि बग्नेछ र पश्चिमी जापानबाट उत्तरी जापानसम्म २८ तारिख ३ बजेबाट उडानमा असर पार्नसक्नेछ । केही अवस्थाहरुमा मानिसको नांगो आँखाले २ किलोमिटर सम्म पनि परको दृश्य नदेखिने गरी पहेंलो बालुवा सहितको हावाले ढाक्नेछ ।

यो क्रम विस्तार घट्दै गएर मार्च ३१ तारिख सामान्य अवस्थामा फर्कने अनुमान मौसम एजेन्सीले गरेको छ ।

मौसम अधिकारीहरुले गाडी चलाउनेहरु सहित हवाई उडानका समयमा यसले असर पार्ने उच्च सम्भावना रहेको बताउँदै सावधानी अपनाउन आग्रह गरेको छ ।