एजेन्सी,अमेरिकाको कोलोराडो राज्यस्थित बोल्डर काउन्टीको एक ग्रोसरी स्टोरमा बन्दुकधारीले अन्धाधुन्ध गोली चलाउँदा कम्तिमा १० जनाको मृत्यु भएको छ । स्थानीय समयअनुसार सोमबार दिउँसो बन्दुकधारीले ग्रोसरी स्टोरमा गोली चलाएका हुन् । उक्त घटनामा एक प्रहरी अधिकारीकोसमेत मारिएको बीबीसीले जनाएको छ ।

शंकास्पद बन्दुकधारीलाई प्रहरीले नियन्त्रणमा लिएको छ । उनले किन आक्रमण गरेका हुन भन्ने खुलिसकेको छैन । सर्वसाधारणले बन्दुक राख्न पाउने कानुनी व्यवस्था भएको अमेरिकामा बेला-बेलामा यस्ता आक्रमणका घटनाहरू हुने गरेका छन् ।