काठमाडौँ /  संगीतकर्मी राज सागरले जातीय विभेद विरुद्धको ‘ए मान्छे’ बोलको गीतको भिडियो सार्वजनिक गरेका छन् । गजलका साथै आधुनिक संगीतका जमेका राज सागरले ५६औं अन्तरराष्ट्रिय जाति तथा रंगभेदका साथै सबैखाले विभेद उन्मुलनको दिवस, २१ मार्चको सन्दर्भको पारेर सागले सो गीतको भिडियो सार्वजनिक गरेका हुन् ।

चर्चित लेखक तथा कम्युनिष्ट नेता विश्वभक्त दुलाल ‘आहुति’ का शब्दमा संगीत सिर्जना गर्दै राज सागर आफैले स्वर समेत दिएर बाहिर ल्याइएको सो गीतमा संगीत संयोजन संजीव बराइलीले गरेका छन् । मर्यादा मिडियाको प्रस्तुति रहेको सो गीतमा दीप घलानीले मास्टरिङ्ग र मिक्सिङ्ग गरेका छन् ।

२१औं शताब्दीमा पनि मान्छेले मान्छेबाट व्यरोर्नु परेको विभेदका विरुद्ध यो गीतमा रचनात्मक आवाज रहेको गायक राज सागरको भनाई रहेको छ । गीतका गायक सागरले अभिनय गरेको सो गीतको भिडियोमा असिम तिमिल्सिनाले एक्यवद्धता वाचन गरेका छन् ।

भ्वाइस अफ नेपालको स्टुडियोमा रेकर्ड भएको सो गीतको भिडियोको छायाङ्गन प्रविन कार्कीले गरेका छन् भने सम्पादन युसव सापकोटाले गरेका छन् गीतको भिडियोको निर्देशन श्याम नेपालले गरेका छन् ।