काठमाडौँ। पूर्वप्रधानमन्त्री तथा जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीले पार्टी र राज्यको शक्ति आफूमा केन्द्रित गरेर सबैमाथि खड्ग चलाउँन लागेको  जिकिर गरेका छन् ।

सामाजिक सञ्जाल ट्वीटरमार्फत डा. भट्टराईले प्रधानमन्त्री तथा एमाले अध्यक्ष केपी ओलीतर्फ सङ्केत गर्दै नेपालमा ‘हिट्लर’को उदय भइरहेको र त्यसबारे सबै सचेत हुनुपर्ने बताएका हुन् ।

उनले ट्वीटरमा लेखेका छन्, ‘हिट्लरबारे चर्चित भनाइ छ-‘पहिले उनीहरू यहुदीविरूद्ध जाइलागे,म बोलिनॅ किनकि म यहुदी थिइनॅ;…अन्त्यमा उनीहरू मविरूद्ध आइलागे,कोही पनि बोलेन किनकि कोही पनि बाँकी थिएन!’नेपाली हिट्लरको उदय त्यसरी नै भैरहेछ ! उसले पार्टी,राज्यको शक्ति आफुमा केन्द्रित गरेर सबैमाथि खड्ग चलाउॅदैछ! होशियार ।’