एजेन्सी, मंगोलियामा भीषण रुपमा आएको धुलोसहितको आँधीबेहरीमा परी कम्तीमा छ व्यक्तिको मृत्यु भएको छ । शनिवार रातिदेखि आएको आँधीका कारण अझै ८१ जना बेपत्ता भएको त्यहाँको राष्ट्रिय आपतकालीन व्यवस्थापन विभाग (नेमा) ले सोमबार जानकारी दिएको छ ।

उक्त आँधीका कारण ५४८ मानिस बेपत्ता भएका छन् । बेपत्तामध्ये ४६७ जना सम्पर्कमा आएका छन् । बाँकी ८१ जना अझै सम्पर्कबिहीन भएको र उनीहरुको खोजी भइरहेको सञ्चारमाध्यमहरुले जनाएका छन् । आँधीबेहरीका कारण मंगोलियाका केही क्षेत्रहरूमा विद्युत सेवा कटौती भएको छ ।

मंगोलियामा धुलोसहितको आँधीबेहरी र हिमआँधी प्रायः आउने गरेको पाइन्छ ।