प्रदेश नम्बर १ को प्रदेशसभाको बैठक अनिश्चितकालका लागि स्थगित भएको छ ।  प्रदेश सभा सचिवालयले सूचना जारी गरी भोलि (सोमबार) दिउसो साढे १२ बजे बस्ने भनिएको बैठक अनिश्चितकालका लागि स्थगित भएको जनाएको छ ।

प्रदेश सचिव गोपाल प्रसाद पराजुलीले प्रदेश सभाको सातौं तथा हिउँदे अधिवेशनको चौथो बैठक प्रदेश सभा नियमावली २०७४ को नियम ६ को उपनियम ३ बमोजिम अर्को सूचना जारी नभए सम्मका लागि स्थगित गरिएको बताएका छन् । यसअघि फागुन १९ गतेको बैठकले अर्को बैठक भोलि बस्ने जनाएको थियो।