काठमाडौँ। माओवादी केन्द्रको केन्द्रीय कमिटी बैठक शुरु भएको छ । पार्टी कार्यालय पेरिसडाँडामा बैठक शुरु भएको हो । शनिबार बसेको स्थायी कमिटी बैठकले आज केन्द्रीय कमिटी बोलाउने निर्णय गरेको थियो ।

बैठकमा सत्ता समीकरण र समसामयिक राजनीतिका विषयमा छलफल हुने बताइएको छ ।
यसअघि शनिबार बसेको स्थायी कमिटी बैठकले मन्त्रीसहित २३ नेताहरुलाई २४ घण्टाभित्र पार्टी छोडे/नछोडेको जानकारी गराउन निर्देशन दिएको थियो।

उक्त समयसीमाभित्र जानकारी नगराउने नेताहरुलाई आजको बैठकले कारबाही गर्ने तयारी गरेको स्रोतको दाबी छ ।