एजेन्सी , अमेरिकाको सन्फ्रान्सिस्कोमा अनलाइन ट्याक्सी सेवा उबरका नेपाली चालक सुभाकर खड्कामाथि दुर्व्यवहार गर्ने एक महिला पक्राउ परेकी छिन् ।
पक्राउ पर्नेमा २४ वर्षीया मलेसिया किंग रहेको प्रहरीले जनाएको छ ।

घटनामा संलग्न अर्की महिलाको पनि खोजी भइरहेको छ । ती महिलाले आफू अधिकारीसामू उपस्थित हुने सन्देश वकिलमार्फत् पठाएकी छन् ।

मार्च ७ मा उक्त घटना भएको थियो । घटनाको भिडियो सामाजिक सञ्जालमा भाइरल भएको छ । उबर ड्राइभर ३२ वर्षीय शुभाकर खड्काले मास्क लगाउन अनुरोध गर्दा ती युवतीहरुले उनीमाथि दुर्व्यवहार गरेका थिए । उनीहरुले खड्कालाई जातीय गाली गर्दै उनको फोन खोसेर मास्क च्यातिदिएका थिए ।
खड्काले यस विषयमा सन्फ्रान्सिस्को प्रहरीमा उजुरी दिएका थिए ।

ती महिलाहरुले खड्कालाई दुर्व्यवहारमात्र नगरी लुटपाट नै गर्नखोजेको अनुसन्धानबाट खुलेको प्रहरीले जनाएको छ ।