काठमाडौँ। नेपाली बजारमा लगातार ओरालो लागिरहेको सुनको मूल्य आज पनि तोलामा रु ९०० ले घटेको छ ।

आज बजारमा छापावाला सुन तोलामा रु ८५ हजार ६०० मा कारोवार भएको छ । हिजो बिहीबार तोलामा रु ८६ हजार ५०० मा कारोवार भएको थियो ।

यस्तै तेजाबी सुन तोलाको रु ८५ हजार १५० मूल्य निर्धारण भएको छ । तेजाबी सुन बिहीबार तोलामा रु ८६ हजार ५० मा कारोवार भएको थियो ।

यसैगरी चाँदीको मूल्य तोलामा रु ३५ ले घटेको छ । तोलामा रु एक हजार २८५ मा बिहीबार कारोवार भएको चाँदी आज भने रु एक हजार २५० मूल्य निर्धारण गरिएको नेपाल सुनचाँदी व्यवसायी महासङ्घले जनाएको छ ।