काठमाडाैं। त्रिभुवन विश्वविद्यालयले सिसिक्यामेराको फुटेजसहित उत्तरपुस्तिका पठाउन निर्देशन दिएको छ। त्रिविले आगामी चैत २० गतेभित्र वार्षिक परीक्षाको सिसिक्यामेराको दृश्यसहित शिलबन्दी गरेको उत्तरपुस्तिका पठाउन केन्द्रलाई निर्देशन दिएको हो ।

परीक्षा र उत्तरपुस्तिकामा धाँधली नहोस् भनेर यस्तो निर्णय गरेको बताइएको छ । त्रिविद्वारा जारी विज्ञप्तिमा भनिएको छ, ‘उत्तरपुस्तिका सिलबन्दी गर्ने कक्ष र प्रवेशद्वारको सबै दृश्य आउनेगरी डेढ महिनासम्म रेकर्ड गर्न मिल्ने सिसिक्यामेरा जडान गरी सबै फुटेज चैत २० गतेभित्र बुझाउन केन्द्रलाई पत्रमार्फत जानकारी गराएका छौँ।’