काठमाडौ । सानिमा बैंक लिमिटेडले कीर्तिपुरको पांगा दोबाटोमा बैंकीग कार्यालय स्थापना गरी बैंकिङ्ग सेवा विस्तार गरेको छ । उक्त कार्यालयको उदघाटन ्ब्रान्ड प्रवद्र्धक वरिष्ठ कलाकारद्वय मदन कृष्ण श्रेष्ठ र हरिवंश आचार्यले गरेका हुन ।

समुद्घाटन् समारोहमा मह जोडीले कीर्तिपूरमा बैंकको कार्यालय संचालनमा आएकोमा बैंकलाई बधाई ज्ञापन गर्दै विश्वसनीय बैंकको रुपमा निरन्तर विस्तार हुन र थप सफलताको लागि शुभकामना दिएको पनि बैंकले जनाएको छ । बैंकका नायब प्रमुख कार्यकारी अधिकृत तेज बहादुर चन्दले बैंकका ग्राहक तथा सरोकारवालालाई निरन्तर सहयोग तथा संरक्षणका लागि कृतज्ञता व्यक्त गरेका थिए । बैंकको सातै प्रदेशमाहाल ८६ वटा शाखा, १७ विस्तारित काउन्टरर ९३ वटा ए.टि.एम. संचालनमा रहेका छन् ।