अख्तियार दुरुपयोग अनुसन्धान आयोगका प्रमुख आयुक्त प्रेम कुमार राईले भ्रष्टाचार नियन्त्रणको कामलाई अहिलेसम्मकै प्रभावकारी बनाउने बताएका छन्।

शनिवार राजधानीमा आयोजित एक कार्यक्रममा बोल्दै प्रमुख आयुक्त राईले समाज र जनताको अपेक्षा अनुसार भ्राश्टाचार नियन्त्रणमा अहिलेसम्म भए गरेका कामहरुभन्दा अझ बढी प्रभावकारी ढंगले काम गरेर देखाउने बताएका हुन्।

जनताको अपेक्षा र संचार माध्यमले उठाएका सवालहरुलाई संविधान,अख्तियार दुरुपयोग अनुसन्धान आयोग साथै भ्रष्टाचार निवारण ऐनको दायराभित्र रहेर विधी प्रक्रिया र कानूनसम्मतढंगले कामा गर्ने प्रतिवद्दता समेत उनले व्यक्त गरे।

तथ्य र प्रमाणको आधारमा कुनैपनि भ्रष्टाचारीलाई कारवाही गर्न आफू पछि नहटने धारणा राख्दै प्रमुख आयुक्त राईले विनापूर्वाग्रह कानून विधि र प्रक्रियामा रहेर कुनैपनि अनियमितता र भ्रष्टाचार नियन्त्रणको कामलाई अगाडी बढाउने समेत बताए।

आयोगको इतिहासमै भ्रष्टाचार नियन्त्रणको क्षेत्रमा प्रभावकारी साथै उत्कृष्ट काम गरेर देखाउने प्रमुख आयुक्त राईले बताए।