होलेरी । अखिल नेपाल जनस्वास्थ्यकर्मी महासंघको आयोजनामा रोल्पामा निशुल्क स्वास्थ्य शिविर सञ्चालन हुने भएको छ ।

यही फाल्गुण १८ देखि २० गतेसम्म पश्चिम रोल्पाको तिला बजारमा सञ्चालन हुने शिविरमा जनरल मेडिसिन, जनरल सर्जरी, अर्थोपेडिप तथा हाडजोर्नी, आँखा जाँच, महिला रोग, पाठेघरको क्यान्सर जाँच, नाक, कान, घाँटी, इसिजी तथा मुटुको जाँच गरिनेछ ।

सो संगठनले रोल्पा लगायत आसपासका क्षेत्रका जनतालाई शिविरमा आई मौकाको फाइदा उठाउन आग्रह गरेको छ । शिविरमा डा. प्रकाश चन्द लगायतका चिकित्सकले विरामी जाँच गर्ने आयोजक संस्थाले जनाएको छ ।