अधिकांश नेपालीका मनमा बस्न सफल पुरानो सदाबहार आधुनिक गीत ‘आगो पिएर बाँच्ने’ फेरि रेकर्ड गरेर सार्वजनिक भएको छ ।

सो गीत नयाँरुपमा बजारमा गएसँगै युटुबको नेपाली संस्करणको ट्रेन्डिङमा परेको छ । रेकर्डिङ स्टुडियोमा छायाँङ्गकन गरी लिरिकल भिडियो सहित सार्वजनिक भएको सो गीत धेरै वर्ष पहिले जीवनाथ धमलाले लेखेका थिए ।

चर्चित गायक तथा संगीतकार नारायण रायमाझीले संगीत दिएको सो गीत युटुवमा सार्वजनिक भएको पाँच दिनमै ट्रेन्डिङ्गको २ नम्बरमा पुगेको छ । हालै गायक प्रशान्त तामाङको स्वरमा रेकर्ड गरेर बाहिर ल्याइएको सो गीतलाई पहिले लक्ष्मीसृजन बजगाँईले स्वर दिएका थिए ।

एक जमानामा युवाहरुमाझ एकदमै लोकप्रिय सो गीत नेपालको एकमात्र सञ्चारमाध्यम रेडयो नेपालहुँदा धेरै सुनिने गीतहरुमा पर्दथ्यो । रीमा रेकर्डिङ्ग स्टुडियोमा रेकर्ड भएर रीमा रेकर्डिङ्ग स्टुडियोमै छायाँङ्गकन भएको गीतलाई संगीत एरेञ्ज मनोज खडकाले गरेका छन् भने मिक्सिङ्ग श्यामस्वेत रसाइली, छायाँङ्गकन र सम्पादन मिराज अर्यालले गरेका छन् ।

हाल नयाँ रेकर्ड भएको गीतमा बाँसुरी रत्न विक, गिटार विवेक खडका, मनोज खड्का, क्याजोन बिन्दु खड्काले बजाएका छन् । हालसम्म सो भिडियोलाई ७ लाख ४० हजार बढीले हारिसकेका छन् भने २ हजार ८ सय ८८ जनाले टिप्पणी गरेका छन् । रीमा इन्टरटेन्मेन्टको युटुव च्यानलबाट गीत भिडियो सहित सार्वजनिक भएको हो ।

हेरौं भिडियो-

गीत

आगो पिएर बाँच्ने विवश मेरो कथा छ

जलेछु भित्र भित्रै छाती भरी व्यथा छ

मेरो संसार जहाँ आँसुका भेल हुन्छन

     मेरो हिडाई जहाँ काँडाहरु भरिन्छन –२

चाहिन्न पानी चिसो पिडा पिएर बाँच्छु

 चाहिन्न गाँस मिठो ज्वाला लिएर हिडछु

आगो पिएर बाँच्ने……………

मुस्कान ती शहरमा मैले नियाल्न खोजे

 व्यथाहरु अरुका मैले स्याहार्न खोजे –२

आकाशलाई मनको विस्वास बगाई धोए

सम्भावना रहरका आसा कुल्चेर आए

आगो  पिएर बाच्ने………….