मुम्बई । चर्चित बलिउड स्टार सलमान खानको नयाँ  फिल्म ‘राधे : योर मस्ट वान्टेड भाइ’को प्रदर्शन मिति पक्का भएको छ । फिल्मको मितिको विषयलाई लिएर लामो समयदेखि बढिरहेको अन्योलतामा सकिएको छ । 

सलमानले यसै वर्षको ईदमा फिल्म थिएटरमा रिलिज हुने घोषणा गरेका छन् । गत डिसेम्बर २७ मा आफ्नो जन्मदिनमा सलमानले मौखिक रुपमा यो कुराको जानकारी दिए पनि उनले सामाजिक सन्जालमार्फत एक सूचना जारी गर्दै यसको पुष्टि गरेका हुन् ।

उनले थिएटर सञ्चालकलाई स्वास्थ्य मापदण्ड पालना गर्नुपर्ने शर्त राखेका छन् ।

‘राधेः योर मस्ट वान्टेड भाइ’को निर्देशन प्रभु देवाले गरेका हुन् । यद्यपि फिल्म रिलिजको तारिख भने खुलाइएको छैन ।