एजेन्सी। भारतमा ट्रकले किच्दा कम्तिमा १५ जना मजुदरको मृत्यु भएको छ। गुजरात राज्यमा सोमबार राति सुरतनजिकैको कोसाम्बा क्षेत्रको फुटपाथमा सुतेका मजदुरमाथि ट्रक कुद्दा कम्तिमा १५ जनाको मृत्यु भएको हो । उखु बोकेको ट्याक्ट्ररसँग ठोक्किएपछि ट्रकका चालकले नियन्त्रण गुमाएर ट्रक फुटपाथतिर जाेतिएकाे र साे दुर्घटना हुन पुगेको बताइएको छ। सो घटनामा १५ जनाको घटनास्थलमै मृत्यु भएको र सात जना घाइते भएको भारतीय सञ्चार माध्यमहरुले जनाएका छन् ।

दुर्घटनामा घाइते भएकाहरुलाई अस्पताल लगिएको छ । प्रहरीले ट्रक र चालकलाई प्रहरीले नियन्त्रणमा लिएको छ ।