काठमाडौं ।अमेरिकी संसद्को तल्लो सदन प्रतिनिधि सभाबाट राष्ट्रपति डोनाल्ड ट्रम्पविरुद्धको अविश्वासको संकल्प प्रस्ताव पारित भएको छ । राष्ट्रपतीय चुनावमा भएको हारपछि ट्रम्पले आफ्नो जिम्मेवारीबाट बिदा लिनु केही दिनमात्र बाँकी रहँदा यो अविश्वासको प्रस्ताव पारित भएको हो । उपल्लो सदन सिनेटमा पनि डेमोक्र्याटको बहुमत भएकाले यो प्रस्ताव सजिलै पास हुने देखिन्छ ।

त्यसो त राष्ट्रपति ट्रम्पलाई पदमुक्त गरेर उपराष्ट्रपति माइक पेन्सलाई सक्रिय बनाउने गरी यो प्रस्ताव पारित गरिएको हो । हाल रहेको संवैधानिक प्रावधानलाई २५ औं संशोधनमार्फत् ट्रम्पलाई हटाई केही दिनका लागि भए पनि उपराष्ट्रपतिलाई सक्रिय बनाइने छ ।

अमेरिकी दुवै सदनमा आफ्नो वर्चस्व कायम भएपछि डेमोक्र्याटहरुले यसको संकेत गरिसकेका थिए । तर उपराष्ट्रपति माइक पेन्सले यस्तो खाले कुनै पनि योजना नरहेको स्पष्ट पार्दै आएका थिए । ट्रम्पको कार्यकालमा निकै पेचिलो संघर्ष गर्दै आएकी प्रतिनिधि सभाकी सभामुख नेन्सी पेलोसीले स्वयम् उपराष्ट्रपति माइक पेन्सले अक्षमताको अभियोगलगाएर राष्ट्रपति ट्रम्पलाई हटाउन वारम्बार सुझाब दिएकी थिइन् ।

उपराष्ट्रपति पेन्स यसो गर्न मञ्जुर नभएपछि उनले महाभियोग लगाएर हटाउने बताउँदै आएकी थिइन् । तल्लो सदन प्रतिनिधि सभामा ट्रम्पविरुद्ध पारित भएको यो दोस्रो पटकको अविश्वासको प्रस्ताव हो ।

(एजेन्सीको सहयोगमा)