काठमाडौँ। देशभर थप ५ सय ५४ जनामा कोरोना सङ्क्रमण पुष्टि भएको छ। देशभर विभिन्न प्रयोगशालामा गरिएको परीक्षणमा पछिल्लो २४ घण्टामा थप ५ सय ५४ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ। योसँगै नेपालमा संक्रमितको कुल संख्या २ लाख ६४ हजार १ सय ५९ पुगेको छ । देशभर सक्रिय संक्रमितहरुको संख्या ५ हजार २१ रहेको छ ।
यस्तै पछिल्लो २४ घण्टामा देशभर ५ सय ८५ जना निको भएर घर फर्किएका छन् । योसँगै नेपालमा निको हुनेहरुको कुल संख्या २ लाख ५७ हजार २ सय २९ पुगेको छ ।

यसैगरी पछिल्लो २४ घण्टामा ६ जना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको कुल संख्या १ हजार ९ सय ९ पुगेको छ ।