काठमाडौँ। प्रधानमन्त्री केपी ओलीले संसद भंग गरि असंवैधानिक कदम चालेको भन्दै कांग्रेस निकट विद्यर्थी संगठन नेविसंघले आज काठमाडौंमा उल्टो हिँडेर सो कदमको विरोध जनाएको छ । माइतीघरबाट सुरु भइ बानेश्वरसम्म उल्टो हिँडेर नारा जुलुस गरिएको थियो । उत्तेजित जुलसले प्रधानमन्त्री ओली विरुद्ध चर्का–चर्का नारा लगाएको थियो । जुलुसमा अधिकांश युवाहरुको सहभागिता देख्न सकिन्थयो ।
संसद पुनःस्थापना गर, केपी ओली राजिनामा दे, पुस ५ को असंवैधानिक कदम खारेज गर, संविधानमाथिको दमन बन्द गर लगायतका नाराहरु लगाइएको थियो । प्रदर्शनमा उत्तजित भीडले आर्यघाटले के भन्छ केपी ओली ले भन्छ, केपी चोर, देश छोड जस्ता उच्छृङ्खल नाराहरु पनि लगाएका थिए । विरोध जुलुसमा नेवि संघका अध्यक्ष राजीव ढुंगाना, उपाध्यक्ष तुलसा थपलिया, महामन्त्री उर्मिला थपलिया, बलदेव तिमल्सिना, युवराज पाण्डेलगायतले नेतृत्व गरेका थिए ।