काठमाडौं । अमेरिका विश्वकै प्रजातन्त्रवादी मुलुक रहेको प्रचार गरिँदै आएको छ । चुनावलाई मात्रै प्रजातन्त्र ठान्ने हो भने अमरिकी शासकहरुले संसारका गरिब मुलुकहरुमाथि मच्चाएको आतंकलाई प्रजातन्त्र भन्ने ठाउँ छैन । त्यो लुटको संसार नै हो भन्नेहरुपनि छन् ।

यसैबिच केही समयअघि अमेरिकामा भएको राष्ट्रपतीय चुनाबमा पराजित भएका डोनल्ड ट्रम्पले चुनाबी परिणाम स्वीकार गरेका छैनन् । चुनाव लड्ने तर त्यसबाट आएको परिणामलाई मान्दिन भन्न मिल्छ ? यसकै कारण उनकै निर्देशनमा त्यहाँ हिंसातमक झडपहरु सुरु भएका छन् । यहीबिचमा अमेरिकाको हाउस अफ रेप्रिजेन्टेटिभकी प्रवक्ता नेन्सी पेलोसीले अमरिकामा हिंसा थप चर्किनसक्ने बताएकी छिन् ।

उनले भनेकी छिन्, ‘जे जति भयो तपाईंहरु त्यसलाई सही मान्नुहुन्छ ? के उनीहरुले अबको १३ दिनसम्म यी खतरनाक व्यक्तिले हाम्रो लोकतन्त्रलाई थप बढि खतरा पुर्याउन सक्छन् भनेर भन्नका लागि तयार हुनुहुन्छ ?’

पेलोसीका अनुसार ट्रम्पको राजद्रोहयुक्त कामका कारण हाउसले उनीविरुद्ध महाभियोग चलाउन बाध्य हुनसक्ने बताइन् । उनले भनिन्, ‘१३ दिन मात्रै बाँकी छ तर कुनै पनि दिन भयावह हुनसक्छ ।’ उनका अनुसार डेमोक्रेट नेताले उनीसँग लगातार सम्पर्क गरिरहेका छन् र ट्रम्पलाई अफिसबाट हटाउने दोस्रो प्रयासबारे कुरा गरिरहेका छन् ।

स्मरण रहोस्, सन् २०१९ मा पनि ट्रम्पविरुद्ध महाभियोग चलाइएको थियो । उनीमाथि चुनाव पुनः जित्नका लागि युक्रेनसँग गलत तरिकाले मद्दत मागेको आरोप लागेको थियो । यदि उनीमाथि पुनः महाभियोग प्रक्रिया सुरु भयो भने उनी अमेरिकाका पहिलो राष्ट्रपति हुनेछन् जसले दुईपटक महाभियोगको सामना गर्नुपर्नेछ ।