काठमाडौं । सुदूरपश्चिम प्रदेशका आर्थिक मामिला तथा योजनामन्त्री झपडबहादुर बोहोराले बुधवार राजीनामा दिएका छन् । उनले राजीनामा किन दिए भन्ने सबै कुरा खुलस्त रुपमा बाहिर आएको छैन ।

तर संघीय संसद विघटन र सत्ताधारी नेकपाको विभाजन नै यसको कारक रहेकोमा कुनै आशंका छैन । अहिलेसम्मको सापेक्षतामा प्रादेशिक सरकारमा विवाद बाहिर नआएको प्रदेश सुदूर पश्चिम भनिए पनि मन्त्री बोहराको राजीनामासँगै यहाँ पनि भित्रभित्र भूसको आगो सल्किएको प्रष्टै देखिन्छ ।

प्रदेश सूत्रकाअनुसार मन्त्री बोहरा संघीय उद्योग वाणिज्य तथा आपूर्ति मन्त्री लेखराज भट्टका निकट मानिन्छन् । मन्त्री भट्ट हाल ओली पक्षमा छन् ।