समाचार टिप्पणी

गण्डकी प्रदेशका मुख्यमन्त्री पृथ्वीसुब्बा गुरुङले प्रधानमन्त्री केपी शर्मा ओलीले गरेको संसद विघटन र ताजा जनादेशको आह्वान बहुमत नपाएका पार्टीहरुका लागि सुवर्ण अवसर भएको बताएका छन् । ताजा जनादेशका लागि चुनाव वा संसद पुनस्र्थापना भन्ने विवादको आधिकारिकताको टुंगो नलाग्दासम्म रहिरहेको तरल राजनीतिक परिस्थितिलाई आ-आफ्नो पक्षमा पार्ने प्रयत्न गरिरहँदा गुरुङको यो अभिव्यक्ति आएको हो ।

उनको यो अभिव्यक्ति स-साना राजनीतिक दलका लागि जति कर्णप्रिय छ, यो अभिव्यक्ति उनको बह्ुमत प्राप्त सत्ताधारी दलका लागि भने ठीक उल्टो प्रतित हुन्छ । साना र कम मत पाएका दलहरुले बहुमत पाएभने के मन्त्री गुरुङ र उनको पार्टी साना दलमा खुम्चिन तयार छ त ?

राजनीतिक विश्लेषकहरुले यसलाई मन्त्री गुरुङको राजनीतिक खेलका रुपमा अथ्र्याएका छन् । उनको यो अभिव्यक्तिले कम सिट ल्याएका र धेरै सिट ल्याउने महत्वाकांक्षा राखेका दलहरुलाई संसद पुनस्र्थापनामा भन्दा ताजा जनादेश लिनतिर आवाज मिसाउन लोभ्याउने देखिन्छ ।